Kryeministri i Kosovës, Albin Kurti, pas një ngjarje sot të organizuar në EULEX, ka folur për media rreth çështjes së kontributit të tij në luftën e fundit çlirimtare në Kosovë.

Kurti ka thënë se as kompensimin si ish-i burgosur politik, e as kompensimin për kontributin e tij në luftën çlirimtare, nuk e ka pasur e as nuk ka ndërmend t’a marrë.

Unë kam punuar në zyrën e përfaqësuesit të përgjithshëm të UÇK-së, z. Adem Demaçit dhe të gjithë ne që kemi punuar aty, koletktivisht u patëm regjistruar. Dhe me këtë rast dua të theksoj që as atë kompensimin si ish-i burgosur politik e as këtë për kontributin në luftën çlirimtare, nuk e kam pasur, e as nuk kam ndërmend t’i marr“, ka thënë Kurti, pas pyetjes se a është veteran i UÇK-së.