Policia e Kosovës në Gjakovë ka arrestuar një person të cilit iu është kapur edhe një sasi e konsiderueshme e lëndëve narkotike.

Sipas policisë së Kosovës, i njëjti ka qenë i arrestuar edhe më parë nga policia, ndërsa ai është kapur duke fshehur kokainë në vende dhe mënyra të ndryshme në oborrin e tij, shkruan RekordPress.net.

Policia e Kosovës ka realizuar operacionin në shtëpinë e tij dhe ka hasur se i njëjti nëpërmjet metodave të ndryshme, ishte duke fshehur substancë të dyshuar narkotike të llojit kokainë.

Në gilinderat e oborrit janë gjetur të kapur me magnet një paketim i plastikës që shërben për paketimin e vitaminave dhe brenda saj janë gjetur 4 doza të mbushura me subsancë të dyshuar narkotike.

Po ashtu, brenda oborrit të tij, përkatësisht brenda ullukut që shërben për shkarkimin e ujërave atmosferik në shtëpinë e tij janë gjetur 6 paketime plastike që shërbejnë për paketimin e magnesiumit dhe brenda të cilave kishte 225 doza substancë të dyshuar narkotike.

Gjithashtu nga i dyshuari janë konfiskuar një veturë, një telefon dhe para kesh.

Ky është njoftimi i tij:

Arrestohet i dyshuari në Gjakovë, e fshihte “kokainën” me metoda të ndryshme në oborrin e tij,

Dyshohet se droga përgatitej për treg të brendshëm

Prishtinë, 01 maj 2022

Policia e Kosovës, Drejtoria për Hetimin e Trafikimit me Narkotikë, njësia në Gjakovë pas hetimeve disa mujore ka arritur që të identifikoj dhe kuptoj se një person i dyshuar në vende të ndryshme të oborrit të tij është duke fshehur substancë të dyshuar narkotike. Sipas të dhënave policore personi i dyshuar ka qenë i arrestuar edhe më parë (me datën 3 mars 2022) nga Policia e Kosovës.

Në vazhdën e hetimeve nga autoritete e antidrogës me datë 30.04.2022, në ora 23.10 me urdhër nga organet kompetente të drejtësisë në Gjakovë, Policia e Kosovës ka realizuar një operacion bastisje në shtëpinë dhe objektet përcjellëse pronë e të dyshuarit të lartcekur dhe ka zbuluar se i dyshuari në vende të ndryshme, përmes metodave të ndryshme ishte duke fshehur substancë të dyshuar narkotike e llojit kokainë, e cila dyshohet se përdorej kryesisht për shitje apo konsum të brendshëm.

Gjatë bastisjes në cilësinë e provave materiale në vende të ndryshme në oborr janë gjetur dhe konfiskuar:

· Në gilinderat e oborrit janë gjetur të kapur me magnet, një paketim i plastikes që shërben për paketimin e vitaminave me mbishkrimin “Ca + vit C”, brenda të cilit kishte katër (4) doza të mbushura me substancë në formë pluhuri ngjyrë e bardhë që dyshohet të jetë narkotik i llojit kokainë.

· Po ashtu, gjatë kontrollit nëpër oborr të shtëpisë, përkatësisht brenda ullukut që shërben për shkarkimin e ujërave atmosferik të shtëpisë, janë gjetur gjashtë (6) paketime të plastikes që shërbejnë për paketimin e vitaminave (magnesium) të markës “Heilusan” të cilat kishin të vendosura magnet, brenda të cilave kishte 225 doza, të mbushura me substancë në formë pluhuri ngjyrë e bardhë që dyshohet të jetë narkotik i llojit kokainë.

· Një (1) automjet i tipit Ford me targa vendore, një (1) telefon dhe para kesh.

Lidhur me rastin është njoftuar prokurori kompetent dhe i dyshuari ndalohet për 48 orë për procedura të mëtejme ligjore.

Policia e Kosovës, njësitet e saj të antidrogës në bashkëpunim me organet e drejtësisë po vazhdojnë punën përmes operacioneve aktive, në funksion të parandalimit dhe luftimit të dukurisë së abuzimit dhe trafikimit me droga dhe ndërmarrjen e masave ligjore ndaj të gjithë personave të përfshirë në vepra të tilla penale.