Rusia ka mbledhur rreth 70% të kapacitetit ushtarak të nevojshëm për një pushtim të plotë të Ukrainës në javët e ardhshme, thonë zyrtarët amerikanë, raporton BBC.

Sipas burimeve flitet që në mesin e muajit shkurt Moska të sjellë më shumë pajisje të rënda.

Rusia thuhet se ka më shumë se 100,000 trupa pranë kufijve të Ukrainës, por mohon të planifikojë të sulmojë.

Zyrtarët amerikanë nuk dhanë prova për pretendimin e tyre.

Ata thanë se informacioni bazohej në vlerësimet e inteligjencës, por se nuk ishin në gjendje të jepnin detaje për shkak të ndjeshmërisë së tij, raportojnë mediat amerikane.

Zyrtarët thanë gjithashtu se nuk e dinin nëse presidenti rus Vladimir Putin planifikonte të pushtonte Ukrainën, duke shtuar se një zgjidhje diplomatike ishte ende e mundur.